Hindranir geta verið til staðar við innleiðingu á stefnumiðaðri stjórnun viðskiptatengsla í fyrirtæki. Gott er að huga sérstaklega að þessum hindrunum sem önnur fyrirtæki hafa þegar staðið frammi fyrir þegar verið er að innleiða verklagsbreytingar og ný kerfi sem styðja við nýja verkferla vegna stefnumiðaðrar stjórnunar viðskiptatengsla. Eldri kerfi sem eru þegar til staðar í fyrirtækjum eru mun sjaldnar ástæðan fyrir erfiðleikum og töfum við innleiðingu á stefnumiðaðri stjórnun viðskiptatengsla, algengustu hindranir tengjast innra viðhorfi og skipulagi.
Eftirfarandi atriði eru algengustu hindranir í innleiðingu:
- Skortur á færni í að setja upp, nota og aðlaga sérstök kerfi er mikil hindrun fyrir innleiðingu stefnumiðaðrar stjórnunar viðskiptatengsla.
- Ófullnægjandi fjárfesting til þess að halda áfram þróun kerfisins getur dregið verulega úr framförum. Sum fyrirtæki hafa tekið upp svokallaða „Quick wins“ nálgun þar sem þróun er skipt í færri smærri einingar til þess að fjárfesting skili skjótum og sýnilegum ávinningi á mikilvægum stigum. Þessi aðferð hefur hjálpað til við að sýna ávinning af stefnumiðaðri stjórnun viðskiptatengsla og hvatt til aukinnar notkunar.
- Léleg gæði og magn gagna getur haft veruleg áhrif á innleiðingu á stefnumiðaðri stjórnun viðskiptatengsla, of mikið af lélegum gögnum er jafn slæmt og of lítið af gögnum.
- Ófullnægjandi skilningur æðstu stjórnenda á viðskiptaávinningi grunnkerfa fyrir stefnumiðaða stjórnun viðskiptatengsla er einnig hindrun fyrir fyrirtæki. Stjórnendur skilja oft ekki hugsanlegan fjárhagslegan ávinning af uppsetningu á grunnkerfum sem getur oft verið hár í fyrstu skrefum innleiðingar.
- Takmörkuð hæfni getur skapað tregu hjá stjórnendum á fyrstu stigum innleiðingar. Það getur þurft töluvert skipulagsátak til að gera stjórnendur meðvitaða um ávinninginn af nánara samstarfi deilda fyrirtækisins og þvervirkni.
- Skortur á forystu og aðkomu æðstu stjórnenda í innleiðingu getur verið frekari hindrun fyrir velgengni. Upplýstur forstjóri ætti að líta á sig sem yfirmann viðskiptavina. Hlutverk forstjóra er að tryggja að í yfirstjórn séu stuðnings- og talsmenn mikilvægi þess að umbreyta samböndum fyrirtækis við viðskiptavini með innleiðingu.
- Ófullnægjandi mælikerfi gerir það ómögulegt fyrir stjórnendur að gera sér grein fyrir árangri og frammistöðu síns starfsfólk. Stjórnandi getur þar af leiðandi ekki umbunað sínu starfsfólki til að flýta innleiðingu. Hindrun getur einnig verið ef fyrirtæki miðla ekki markmiðum sínum og tilgangi til starfsfólk.
