Að þekkja viðhorf, gildi og kröfur viðskiptavina auðveldar fyrirtækjum að flokka viðskiptavini sína og skipta þeim í markhópa eftir fleiri þáttum heldur en hinni hefðbundnu skiptingu sem takmarkast við lýðfræðilegar eða félagshagfræðilegar breytur. Líklegra er að árangur náist í markaðsstefnu sé hún byggð á óskum viðskiptavinar. Hægt er að flokka viðskiptavini á marga vegu en eftirfarandi flokkar eru mikilvægastir í samskiptum við fyrirtæki og einstaklinga:
Flokkun fyrirtækja:
- Atvinnugrein – Þar sem fyrirtækjum er skipt í flokka eftir atvinnugrein
- Þjónusta – Þar sem fyrirtækjum er skipt í flokka eftir því hvernig þau bregðast við þjónustuframboði
- Verðmæti sem er leitast eftir – Með því að vita hvað vörur eða þjónustur höfða til fyrirtækisins.
Flokkun einstaklinga:
- Landfræðilegar breytur – Viðskiptavinum er skipt upp eftir því hvar þeir eru búsettir
- Lýðfræðilegar eða félagshagfræðilegrar breytur – Skiptingin getur verið mjög fjölbreytt í þessum flokki þar sem meðal annars er hægt að flokka eftir aldri, kyni, fjölskyldustærð
- Atferlisfræðilegar breytur – Viðskiptavinir eru flokkaðir eftir lífsstílseinkennum, viðhorfi eða persónuleika
- Ávinningur – Viðskiptavinir eru flokkaðir eftir því hvaða ávinningi þeir eru að leita að í vöru.
- Tryggð – Viðskiptavinir flokkaðir eftir tryggð þeirra við vörumerki eða vöru.
- Tilvik – Viðskiptavinir eru flokkaðir eftir því hvernig þeir nota vöru eða vörumerki á mismunandi hátt
- Einstaklingar og fyrirtæki saman – Að minnsta kosti í upphafi, þegar verið er að flokka einstaklinga og fyrirtæki, er hægt að setja þau saman í einn flokk þangað til hægt er að átta sig á hvaða flokkur hér að ofan samræmist einstaklingnum eða fyrirtækinu
