Handverk ehf.
Hvernig Mánahöll gaf Handverki uppfært lógó, stílhandbók og vef sem leiðir gesti beint í heildarlausnina og breytir heimsóknum í verkbeiðnir.
Áskorunin
Handverk hefur frá árinu 2017 sérhæft sig í vönduðum endurbótum á baðherbergjum, eldhúsum og heilum heimilum. Hönnun, smíði, flísalagnir, raflagnir og pípulagnir eru undir einu þaki. Sterkasta þjónustan er heildarlausnin: eitt símtal og Handverk sér um allt ferlið.
Gamli vefurinn endurspeglaði ekki gæði verkanna. Viðskiptavinir áttu erfitt með að átta sig á þjónustuframboðinu og það vantaði einfalda leið til að óska eftir ráðgjöf.
Draga fram heildarlausnina sem lykilþjónustu.
Láta myndirnar sýna gæði handverksins.
Gera það einfalt að óska eftir tilboði.
Nálgun Mánahallar
Markmiðið var vefur sem er ekki bara fallegur heldur virkt tæki til að fanga verkbeiðnir. Við byrjuðum á vörumerkinu, skrifuðum textann og byggðum vefinn utan um eina hugmynd: eitt símtal, allt ferlið.
Mánahöll sá um:
Stafrænt heimili vörumerkisins
Við hönnuðum og smíðuðum nýjan vef á handverkehf.is sem kemur í stað gamla vefjarins. Hver síða á sitt hlutverk: að sýna gæðin, útskýra ferlið og gera það auðvelt að hafa samband.
Heildarlausn: Sérstök síða sem selur hugmyndina „Eitt símtal – allt ferlið“ og leggur áherslu á þægindi viðskiptavinarins.
Verkefnasafn: Myndrænt yfirlit yfir baðherbergi, eldhús og heildaruppgerðir, sem Handverk uppfærir sjálft.
Instagram streymi: Nýjustu verkefnin birtast sjálfkrafa á vefnum og sýna að fyrirtækið er á fullu.
Snjallt tilboðsform: Viðskiptavinir velja þá þjónustuþætti sem þeir þurfa.
Leitarvélabestun: Texti og myndir fínstillt svo Handverk finnist þegar fólk leitar að iðnaðarmönnum og heildarlausnum.
Skoðaðu vefinn í beinni á handverkehf.is ↗ (opnast í nýjum glugga)
